 Åkrelåven
|
Plassering: Åkre Bruk: Vanleg låvetype, 6-vegga Særtrekk: |
Åkrelåven blei sett opp i 1954. Museumslaget gav 900 kroner for bygningen, men kjøpte i tillegg stokkar for 200 kroner til nødvendige utskiftingar. Låven, eller "loo", var på den tida den einaste bygningen som var att på Åkre, og stod i vegkanten midtvegs mellom Stivi og Brekke.
I den eine lugu var det plass for "buhøyet" (skraphøyet) i den andre "hevdehøyet" (godt gjødsla høy). Når kornet blei køyrd inn, blei dette lagt oppå høyet. Var det mykje åker, måtte begge lugune takast i bruk. Bygg og kveite i ei, havre i den andre. Opningen i veggane mellom treskelåven og lugo blei kalla "brikja". Kornbanda blei lagt i ringar med toppen inn, tett i tett. Dette var for å unngå at musa kom og forsynte seg av avliga før treskinga. Golvet i treskelåven måtte vere tett, for det var der treskinga gjekk føre seg. Det same galdt endeveggen som kunne bli stappa med filler for at kornet ikkje skulle kome på avvegar når det blei kasta. I andre enden av treskelåven var det eit lite hol i golvet der agnene blei sopa ned i underlåven. (Hallgrim Høydal: "Lat oss ikkje forfedrane gløyma." |
